Медиумите во Германија денеска објавија дека Шалке е одлучен во намерата да го доведе голманот на Реал во зимскиот преоден рок.
Една од големите легенди на Реал еднаш замина во Шалке кога Мурињо пристигна на „Бернабеу“, а последиците од наследството на Португалецот би можеле да влијаат на уште една легенда на „кралевите“ да тргне по истиот пат.
Нормално станува збор за Раул Бланко и Икер Касилјас.
Голманот на шпанската репрезентација во Торино ја покажа својата вредност, кога со неколкуте одлични одбрани во првото полувреме против Јувентус го спаси својот тим од сигурен пораз и допринесе текот на натпреварот да тргне во друга насока. Реал зема бод од гостувањето во Италија и направи голем чекор кон нокаут фазата во Лигата на шампионите.
Во исто време, чуварот на мрежата на Шалке, Тимо Хилдебранд му го поклони на Челзи првиот гол на „Стемфорд Бриџ“ и на себе го навлече гневот на цел Гелзенкирхен.
Раководството на Шалке би сакало да го доведе Касилјас на шестмесечна позајмица веќе оваа зима, а разговорите за иднината би ги направиле по Мундијалот во Бразил.
Потсетуваме, Икер има договор со Анчелоти да настапува во Лигата на шампионите и Кралскиот Куп.
