Apple го претстави iPhone 16E, iPhone SE оди во пензија

Гласините сепак се покажаа точни – iPhone SE е мртов, да живее iPhone 16E.

Најновиот член на линијата на буџетски телефони на Apple повеќе не ја носи ознаката SE, така што на актуелната серија iPhone 16 и се придружи најновиот член – iPhone 16e.

Она што Apple го истакнува како најголема иновација имплементирана во iPhone 16e е (веројатно и самите погодивте) поддршката за Apple Intelligence.

Кога станува збор за хардверските карактеристики на iPhone 16e, кој наликува на iPhone 14 во дизајнот, тој се напојува со чипсетот Apple A18 и има систем за камера 2-во-1 од 48 MP. Се разбира, тоа е само една камера, но Apple тврди дека поддржува 2x зум.

Екранот од 6,1 инчи е „Super Retina XDR“ OLED тип, со керамички штит. Apple тврди дека iPhone 16e има најиздржливо стакло на кој било телефон, како и најдобро траење на батеријата на кој било iPhone од 6,1 инчи.

Meet iPhone 16e, the newest member of the iPhone 16 family! #AppleLaunch pic.twitter.com/q9BHWxdYtN

— Tim Cook (@tim_cook) February 19, 2025

Покрај горенаведеното, iPhone 16e има поддршка за софтвер за Face ID, USB-C и iOS 18 со гореспоменатиот пакет на функции на Apple Intelligence кои се достапни за остатокот од серијата iPhone 16.

iPhone 16e има и приспособливо копче за акција, но нема поддршка за контрола на камерата. Телефонот го користи првиот модем што Apple го создаде независно – C1, а поддржува и сателитско поврзување, вклучувајќи Emergency SOS, Roadside Assistance, Messages и Find My преку сателит.

iPhone 16E is officially announced

– White or black
– A18 chip
– 6.1" OLED with a notch
– Single 48mp camera
– Action button
– Supports apple Intelligence

$599https://t.co/3OsOZkVwW2 pic.twitter.com/T0fiv00KHv

— Marques Brownlee (@MKBHD) February 19, 2025

Apple iPhone 16e ќе биде достапен во бела и црна боја, ќе биде достапен за преднарачка од 21 февруари, а во општа продажба ќе биде достапен од 28 февруари. Цените за iPhone 16e се: модел од 128 GB за 599 долари / 699 евра / 599 фунти, 256 GB за 699 ​​долари / 829 евра / 699 фунти и модел од 512 GB за 899 долари / 1.079 евра / 899 фунти.