Тим Кук, извршниот директор на Apple, потврди дека во среда, 19-ти февруари нè очекува нова голема конференција, на која компанијата ќе претстави нови производи. Иако не откри никакви детали, сигурно е дека доаѓа нов телефон.
Најавата содржи метално лого на Apple кое не открива многу за самиот настан, но многу извори сугерираат дека тоа треба да биде iPhone SE 4 или поевтина верзија на iPhone 16.
iPhone SE 4 ќе се базира на дизајнот на iPhone 14, но со понапредни функции. Се очекува да има чип A18, 8GB RAM, поддршка за Apple Intelligence, 6,1-инчен OLED дисплеј и Face ID технологија.
Што се однесува до цената, таа треба да биде помеѓу 429 и 499 долари, што е сепак многу помалку од сегашната цена за основниот модел на iPhone 16, или речиси 300 долари помалку.
Се очекува и премиера на уште неколку нови уреди. Сè за нив можете да прочитате во посебна вест.
Get ready to meet the newest member of the family.
— Tim Cook (@tim_cook) February 13, 2025
Wednesday, February 19. #AppleLaunch pic.twitter.com/0ML0NfMedu
