Спецификациите за безжично полнење „Qi2“ првично беа објавени на почетокот на 2023-та година. Сепак, оттогаш производителите на телефони со „Android“ не се тркаат за да додадат поддршка за „Qi2“ на нивните најнови уреди. Ова го отежна наоѓањето компатибилни телефони.
Покрај поголемите брзини на полнење (до 15 W или повеќе во поновите верзии), „Qi2“ користи вградени магнети дизајнирани да го олеснат порамнувањето и обезбедувањето периферни уреди.
Во секој случај, има „Android“ телефони кои официјално поддржуваат „Qi2“ (поради сложеноста на кинескиот пазар, листата се фокусира само на гаџетите достапни во Европската унија и САД).
Телефони со „Android“ со поддршка за полнење „Qi2“:
„HMD Skyline“
Интересно, ова е единствениот телефон кој официјално го поддржува „Qi2“ стандардот. Барем засега.
„Samsung“ соопшти дека планира да објави повеќе уреди со „Android“ со овозможен „Qi2“ оваа година, но најновата серија „Galaxy S25“ на компанијата е опишана само како „Qi2 подготвена“. Ова значи дека, како и претходните модели, семејството на телефони „Galaxy S25“ може да се полни безжично до 15 вати. Меѓутоа, бидејќи телефоните немаат магнети внатре, додатоците „Qi2“ се лизгаат кога ќе се обидете да ги закачите. Ова може да се реши со купување на компатибилно куќиште со вграден магнетен систем за монтирање, но линијата „Galaxy S25“ бара дополнителна помош за да функционира со растечкиот пазар на периферни уреди „Qi2“.
„OnePlus“ исто така тврди дека „OnePlus 13“ поддржува „Qi2“. Но, во тестот на „Engadget“, магнетите во телефонот се покажаа толку слаби што не се закачија безбедно на ниту една од тестираните додатоци „Qi2“.
„Motorola“ нагласи дека се посветени да ги донесат најновите технологии на нивните уреди, додека „Google“ вели дека ќе има водечка улога во развојот на претстојниот стандард „Qi v2.2“.
Нови информации за поддршката на „Qi2“ од сите големи производители се очекува да бидат достапни за време на настанот „Mobile World Congress 2025“, почнувајќи од март.
