Фудбалерите на Ливерпул изиграа нерешено 2:2 (0:1) со Фулам во 16-то коло од англиската Премиер лига.
Фудбалерите на Ливерпул двапати се враќаа од негатива, двапати мораа да постигнат гол со играч помалку, но на крајот успеаја да останат непоразени на домашен терен.
Фулам поведе на „Енфилд“ во 11-та минута, кога Переира на асистенција на Робинсон ги изненади домаќините.
Само шест минути подоцна, работите тргнаа целосно надолу за тимот на Арне Слот, бидејќи Ливерпул остана со десет играчи на теренот.
Во 17-та минута Ендрју Робертсон доби директен црвен картон поради груб фаул, па домашните мораа да се борат со играч помалку и да бркаат негатива во остатокот од натпреварот.
На две минути од вториот дел Ливерпул успеа да се доближи до израмнување, бидејќи Гакпо беше прецизен во 47-та минута, по додавањето на Салах.
Тој резултат се одржуваше до 76-та минута, а потоа Фулам уште еднаш го провери голманот на Ливерпул, а овој пат стрелец беше Родирго Муниз.
Слот отиде на сè или ништо, ги одигра сите можни карти, а тој пристап вроди со плод во 86-та минута, кога по вторпат на натпреварот се вратија од негатива.
Потоа Диого Жога го донесе израмнувањето – се проби пред да прифати брилијантно додавање и упати прецизен удар кој го совлада голманот, а топката влезе во долниот лев агол од голот.
Истиот играч имаше шанса во судиското надополнување да му донесе победа на Ливерпул, но топката мина преку гредата.
Во истиот временски период, Арсенал одигра нерешено без голови со Евертон на Емирати, додека Њукасл беше убедлив против Лестер со 4-0.
