„Huawei“ штотуку објави нов предводник за глобалниот пазар – телефонот на преклопување „Huawei Mate X6“.
Овој модел носи премиум дизајн со врвен хардвер, а еве сѐ што треба да знаете за него. Кинескиот технолошки гигант го претстави „Mate X6“ во Кина минатиот месец, а сега конечно можеме да го видиме на глобалниот пазар.
Станува збор за модел кој има 7,93-инчен LTPO OLED дисплеј, со стапка на освежување од 120 Hz, 2K+ резолуција, 1440Hz PWM затемнување и до 1.800 nits осветленост. Вториот екран има дијагонала од 6,45 инчи со 3D заобленост, FHD+ резолуција и до 2.500 nits осветленост.
Кога е преклопен, „Mate X6“ е дебел само 9,9 милиметри и тежи 239 грама.
Во срцето на овој уред е Kirin 9020 процесорот поврзан со 12GB RAM и 512GB простор за складирање. Што се однесува до батеријата, таа има капацитет од 5.110 mAh, а поддржано е и безжично полнење од 50 W.
Да кажеме неколку зборови за камерите – има четири од нив на задната страна: 50MP главна, 40MP ултра-широк, 48MP телефото и 1,5MP – „Spectral Channels Ultra Chroma Camera“. На предната страна има селфи камера од 8 MP, а моментално телефонот може да се нарача преку веб-страницата во ОАЕ за околу 1.850 евра.
