Истражувачката организација OpenAI објави дека ќе побара од судијата во Калифорнија да го одбие барањето на милијардерот Илон Маск да го спречи креаторот на ChatGPT да се претвори во профитна компанија.
OpenAI, исто така, објави бројни меилови и текстуални пораки со Маск на својата веб-страница за да покаже дека тој првично го поддржувал статусот за профит за OpenAI пред да ја напушти компанијата, откако не успеал да добие мнозински удел и целосна контрола.
Маск, кој беше ко-основач на OpenAI, покрена конкурентна компанија за вештачка интелигенција, xAI.
Маск го тужеше OpenAI, неговиот извршен директор Сем Алтман и други во август, тврдејќи дека ги прекршиле условите на договорот ставајќи го профитот пред јавното добро во обид да ја унапредат вештачката интелигенција.
Во ноември, тој побара од американскиот окружен судија Ивон Гонзалес Роџерс во Оукленд, прелиминарна забрана која ќе го спречи OpenAI да стане профитна структура.
На блогот на OpenAI се наведува дека Маск „треба да се натпреварува на пазарот, а не во судницата“. Маск изјави дека OpenAI планира да ги собори ривалите и да го монополизира пазарот на генеративна вештачка интелигенција.
