Следната година два кинески производители ќе ги претстават своите нови телефони со уште поголеми батерии.
Во текот на изминатите неколку недели, голем број производители на телефони од Кина лансираа уреди кои имаат батерии со капацитет од 6.000 mAh или повеќе.
Сепак, според последните гласини кои излегуваат од Кина, тоа е само почеток. „Red Magic“ веќе пристигна оваа година со батерија од 7.050 mAh, но наскоро ќе има конкуренција.
Според извештаите, во текот на 2025-та година можеме да очекуваме телефони „Redmi“ и „OnePlus“ со капацитет на батерија од 7.000 mAh или повеќе.
Тоа, во комбинација со постојаното подобрување на ефикасноста на мобилните чипови, значи дека траењето на батеријата на телефонот во 2025-та година дефинитивно повеќе нема да биде проблем, дури и за најпребирливите корисници.
Најдобро од сè, телефоните што ги видовме оваа година, а кои имаа батерии со капацитет од 6.000 mAh или повеќе, немаа зголемена дебелина. Тоа е благодарение на новата технологија што се користи, а се очекува слично да биде и во наредните години.
За жал, изворот на оваа информација не објави детали за тоа кои телефони „Redmi“ и „OnePlus“ ќе имаат батерии од 7.000 mAh или повеќе, но претпоставката е дека главни кандидати се серијата „Redmi K90“ и „OnePlus 14“.
