„HyperOS“ сега е достапен за најновите телефони „Xiaomi“, „Redmi“ и „Poco“. Сепак, тој има и некои свои маани, а еве како да се ослободите од нив.
Колку и да е добар „HyperOS“, сепак е познат по тоа што има интегрирани реклами и реклами за сѐ и сешто, што може доста да ги нервира корисниците.
За среќа, постои решение, затоа ви го објаснуваме најдобриот начин да го подобрите искуството при користење на телефонот „Xiaomi“. Слична работа се прави и на моделите „Redmi“ и „Poco“, само нијансите може да се разликуваат.
Рекламите што се појавуваат кога отворате апликација се системски вградени во софтверското решение на кинеската компанија и за да ги исклучите, следете ги овие чекори:
Системски реклами: Settings -> Privacy -> „Fingerprints, face data, and screen lock“ -> исклучете ги „User Experience Program“, „Usage and diagnostics“ и “„Personalized Ads“.
Реклами од системски апликации: отворете ја саканата апликација -> поставки за нега > исклучете ги „Show ads” или „Recommendations“.
Отстранување реклами од менито („App Drawer“): Отворете ја „App Drawer“ -> поставки -> исклучете ги „Recommendations“.
Може да размислите и за исклучување на функцијата „Wallpaper Carousel“ која ја троши батеријата и испраќа реклами. Можете да го направите ова од поставките, кога ќе ја пронајдете „Wallpaper Carousel“ каде што се наоѓаат апликациите и изберете „Uninstall“ или „Disable“.
За да ги исклучите рекламите по безбедносното скенирање на апликацијата, отворете ја „Security“, а потоа исклучете ја опцијата „Scan before installation“.
