Реал Мадрид е третиот тим кој во текот на летото направил обид да го купи аргентинскиот голгетер на вечниот ривал, Барселона, Лионел Меси.
Пред помалку од две недели се појавија информации дека Баерн со помош на спортскиот концерн „Адидас“ одвоил 250 милиони евра за Меси, а освен тоа и од Челзи пројавиле апетити кон Аргентинецот.
Според каталонскиот весник „Ел Мундо Депортиво“ имало и трет тим, кој сакал да го купи Меси и тоа бил најголемиот ривал од Мадрид, кој исто така требало да добие солидна финансиска поддршка од „Адидас“.
26-годишниот Аргентинец категорично ги отфрлил сите понуди, така што изјавил уште еднаш дека неговата желба е да игра само за Барселона во Европа.
