Трансферот на Роберт Левандовски од Борусија Дортмунд во Баерн Минхен изгледа речиси сигурен, но во последните недели во Германија се појавија гласини дека тренерот на баварците Пеп Гвардиола не е меѓу повеќето страствени навивачи на Полјакот.
Според неколку медиуми во Англија и Германија, Гвардиола е голем фан на напаѓачот на Манчестер Сити, Серхио Агуеро и ќе се обиде да го земе на „Алијанц Арена“ во текот на летото.
Гвардиола дури се обидел да го привлече Агуеро во Барселона, додека ги предводеше каталонците во периодот од 2008-та до 2012-та година, но Аргентинецот избра да го облече дресот на „граѓаните“.
Оваа сезона Кун продолжува со одличните настапи, а тој веќе има 8 погодоци и четири асистенции во англиската Премиер лига.
Интересно е дека Баерн Минхен го следеше Агуеро уште пред седум сезони. Поради 17-годишниот во тоа време Кун лично претседателот на Баерн, Ули Хенес (од 2006-та спортски директор) патуваше во Аргентина, но тогаш шефот не останал импресиониран од виденото.