Можеби мислите дека сте гледале сè што е вредно кога станува збор за „Netflix“, но поверојатно е дека има тони филмови и серии до кои сè уште не сте стигнале.
Освен ако не се движите и прелистувате со часови, „Netflix“ генерално препорачува само содржина што е тесно поврзана со она што веќе сте го гледале или додале во вашата плејлиста.
Меѓутоа, доколку сакате да погледнете нешто надвор од насловите кои постојано ви се препорачуваат, тешко дека ќе успеете доколку се потпрете на едноставно пребарување.
За среќа, има мал „хак“, а се работи за шифри. Не грижете се, не е ништо комплицирано, секој може да го напише за половина минута.
Еве за што станува збор: секој од овие кодови е поврзан со прилично специфични жанрови, од „Романтични странски филмови“ до „Б-хорор филмови“.
Можете да пребарувате филмови по тоа кој ги режираше, кој е главниот актер/актерка, од каде доаѓаат и слично. Навистина не сме изброиле колку различни критериуми има, но ги има многу.
Погледнете ги кодовите на „Netflix“ на оваа страница. https://www.netflix-codes.com/
За да видите што крие „Netflix“ од жанрот за кој ве интересира, само треба да го внесете четирицифрениот код во вашиот веб-прелистувач додека сте најавени. Еве еден пример како да се дојде до сите филмови со вонземјани, каде што жанрот е научна фантастика со вонземјани (шифрата од листата е 3327).
http://www.netflix.com/browse/genre/3327
Треба да забележиме дека ова функционира само ако користите веб-прелистувач на вашиот компјутер.
