YouTube најави бројни нови функции на својот видео сервис кои би требало значително да го подобрат искуството на гледање видеа и слушање музика и подкасти на таа платформа. Беа воведени повеќе од 20 новитети, вклучително и некои подобрувања околу корисничкиот интерфејс и опциите базирани на генеративна вештачка интелигенција. Оваа компанија веднаш ќе започне со имплементација на некои нови функции, а сите нови опции треба да станат достапни во наредните недели на апликацијата за мобилни телефони, компјутери и ТВ.
Меѓу овие новитети, корисниците навистина ќе ја ценат опцијата за време на спиење, односно можноста за паузирање на видеото по одредено време на гледање. Можно е да се паузираат видеата по десет минути и до еден час гледање, а постои и можност за паузирање откако видеото ќе заврши. Оваа опција претходно беше тестирана за членовите на Premium, односно оние кои плаќаат претплата и наскоро ќе биде достапна за сите.