Џеред Исакман и Сара Гилис станаа првиот непрофесионален екипаж кој изведе еден од најпребирливите маневри во вселената – вселенска прошетка, како дел од приватната мисија Polaris Dawn.
Нивните излегувања од вселенското летало SpaceX започнаа со разлика од околу 15 минути, а Исакман беше првиот што излезе облечен во специјално дизајниран вселенски костим.
„Сите имаме многу работа дома, но оттука Земјата изгледа како совршен свет“, рече Исакман додека излегуваше, пренесува Индекс.
Оваа вселенска мисија беше финансирана од приватните фондови на Џаред Исакман. Досега само астронаутите од националните вселенски агенции имаа можност да вршат вселенски прошетки.
Сликите во живо го покажаа екипажот како излегува од капсулата White Dragon и лебди на 700 километри над Земјата, со сината планета во позадина.
Исакман излезе прв, движејќи ги рацете и нозете за да ја тестира функционалноста на оделото. По него од капсулата излезе Сара Гилис, инженер на SpaceX.
И двајцата ги опишаа своите искуства за време на вселенската прошетка, објаснувајќи како нивните одела се однесувале во бестелесниот простор надвор од леталото.
Вселенската прошетка се одржа два дена откако Исакман, Гилис и уште двајца членови на екипажот полетаа од комплексот за вселенско лансирање Кејп Канаверал на западниот брег на американската држава Флорида.
