Rimac Energy ја објави испораката на својот прв систем SineStack на локација во Колчестер, Велика Британија.
SineStack користи напредна технологија за конверзија на енергија која е тесно интегрирана со ќелиите на батериите, и физички и функционално.
„Иновативната архитектура, комбинирана со адаптивен софтвер, им овозможува на софистицираните модели со различна сложеност да ги пресметаат уникатните внатрешни параметри на секоја ќелија и динамички да ги приспособат операциите за конверзија на енергијата“, велат од компанијата.
На овој начин, додаваат, се зголемува екстракцијата на енергија, оптимално се балансираат температурите и се продолжува работниот век.
„Од 2025 година, SineStack ќе обезбеди две години работа без намалување на капацитетот, одржувајќи поголем енергетски капацитет во текот на целиот век на батеријата, а со тоа ќе овозможи повисоки приходи, со работен век од 12.000 циклуси кој е водечки на пазарот“, се вели во извештајот.
„Со динамичко прилагодување на уникатните карактеристики на секоја ќелија, системот овозможува беспрекорни ажурирања и континуирани подобрувања, поставувајќи нови стандарди во технологијата за складирање енергија“, вели Rimac Energy.
