Германскиот производител на автомобили го претстави првиот модел на новата подмарка: „ID. UNYX“.
Како дел од својата стратегија „Во Кина, за Кина“, „Volkswagen“ се обидува да го стабилизира својот пазарен удел во оваа земја, која е изложена на ризик од фронтален напад од повеќе кинески марки.
Новата марка и новиот „SUV“ делат име, па електричното „SUV“-купе ќе се вика „ID. UNYX“, како и цела нова подмарка на автомобили, која наскоро ќе биде проследена со нови возила.
„Volkswagen“ вели дека новиот автомобил има „прогресивен дизајн“, паметен интерфејс човек-машина (HMI) со персонализиран 3D аватар и опсег од повеќе од 600 километри.
„ID. UNYX“ е наменет за кинескиот пазар и ја претставува најновата фаза во развојот на интелигентни мрежни возила на германската компанија.
Заедно со новиот модел, „Volkswagen“ отвора и 40 продавници во 20 градови во Кина, кои ќе го носат името „UNYX“.
Планирано е проширување на палетата на модели на новиот подбренд „ID. UNYX“ со уште четири возила во следните три години покрај новопретставениот автомобил. Ова ќе вклучува теренци, како и седани.
„ID. UNYX“ е создаден во новиот центар за иновации и развој на „Volkswagen“ во Хефеи, источна Кина. Оваа локација е фокусирана исклучиво на развој на најновата генерација на паметни електрични возила за локалниот пазар.
„ID. UNYX“ се произведува и во Хефеи, една од најнапредните фабрики за електрични возила на „VW Group“.
Автомобилот го придвижува електричен мотор од 210 kW (286 ks), сместен на задната оска.
Моторот се напојува од батерија со капацитет од 77 kWh (нето), која овозможува автономија до 621 km.
Планирана е и верзија со погон на сите тркала со два електромотори и 250 kW (340 ks).
