Минатиот август „Huawei“ ја шокираше технолошката јавност со чипот кој го напојува нивниот „Mate 60 Pro“ модел. Сега, тие решија повеќе да не се кријат.
„Kirin 9000s“ беше првиот 5G чипсет во телефоните на „Huawei“ од серијата „Mate 40“ во 2020-та година, веднаш откако САД усвоија закон за забрана на извоз на американски 5G чипови во компанијата.
„Huawei“ реши да го надмине ова со партнерство со „SMIC“, најголемиот кинески производител на чипови, за да направи 7nm чипови за него.
Официјално не е наведено кои чипови конкретно се користеле во серијата „Mate 60“ (иако тоа е јавна тајна), а сега кога се наближува „Mate 70“, се шушка дека „SMIC“ некако ги направил чиповите со 5nm технологија.
Откако инсајдер изјави дека „забраната за давање информации за чиповите е укината“, кинеската веб-страница „ITHome“ ја посети продавницата на „Huawei“, каде што се распрашаа за процесорите во одредени модели на телефони.
Таму, еден од вработените им кажал дека 7nm Kirin 9000s е во серијата „Mate 60“, но и дека најновиот предводник „Huawei Pura 70“ го има истиот чип, иако „Pura 70 Pro“ и „Pura 70 Ultra“ имаат понапреден Кирин 9010.
Ќе биде интересно да се види дали моделот „Mate 70“ ќе има чипови од 5 nm или „SMIC“, третиот по големина производител на чипови во светот, има доволно развиена технологија за да ги направи.
