Samsung се подготвува официјално да го претстави Galaxy Ring на 10 јули, а некои од неговите карактеристики се веќе откриени.
Според информациите откриени од Android Authority преку анализа на APK-датотеката на апликацијата Samsung Health, Galaxy Ring ќе има можност да го следи срцевиот ритам и нивото на стрес, како и да ја мери температурата на кожата и да ги следи месечните циклуси. Прстенот ќе има и детекција на ‘рчење, што ќе бара телефонот да биде во близина и на полнач.
Овие функции не се нови – модерните модели на Galaxy Watch веќе ги имаат овие опции. Се очекува Galaxy Ring да може да работи во тандем со постоечките уреди Galaxy Watch за да го подобри следењето на здравјето и фитнесот, пишува GSM Arena.
Цената на Galaxy Ring ќе биде помеѓу 300 и 350 долари. Дополнително, може да се очекува месечна претплата од 10 долари за Samsung Health, која ќе отклучи дополнителни функции, слични на Fitbit Premium.
