„Honda“ пред премиерата на Саемот на автомобили во Токио која е закажана за следниот месец, го претстави спортскиот кабриолет „S660“, концепт кој е наменет исклучиво за јапонскиот пазар.
Малиот спортски кабриолет, кој во сериско производство ќе влезе дури во 2015-та година, потсетува на концептот „EV-STER“ од 2011-та година, а под хаубата ќе има мал трицилиндарски мотор со само 64KS кој ќе биде поврзан со седумстепен „CVT“ менувач.
Малиот агрегат малку ќе ја компензира тежината на автомобилот која изнесува 900kg, a извори од компанијата велат дека во иднина ќе се појави и верзија со поголем 1.0-литарски турбо мотор со 100KS. Според информациите со овој мотор, автомобилот би можел да се појави и на меѓународниот пазар.
Концептот „S660“ ќе биде изложен на штандот на „Hondа“, покрај „Urban-SUV“ и концептот „Aсura NSX“.
