1. „Денар по денар“
Штедливите луѓе знаат дека се започнува со мали чекори. Така, за да соберат пари, тие штедат „денар по денар“, а со тек на времето од тоа може да се создаде голем износ. Освен тоа, важни се и навиките поврзани за секојдневната рутина. На пример, наместо секој ден да јадат во ресторани, тие би земале со себе ужина од дома или нешто ќе купат во продавница. На тој начин годишно може да заштедите многу пари.
2. Разумно ги носат своите одлуки
Скромните луѓе имаат добро чувство за перспектива, имаат можности да ја видат „големата слика“, односно знаат како да ја согледаат работата во целина. Тие не секогаш одбираат нешто само затоа што е евтино. Пред донесувањето на одлуката, добро ќе ја согледаат целата ситуација и сите опции и дури потоа ќе донесат рационална одлука.
3. Знаат да управуваат со своето време и своите пари
Луѓето кои ги краси скромноста знаат да поседуваат организациски способности. Знаат како на правилен начин да ги користат материјалните, но и нематеријалните ресурси. Исто така, добро препознаваат кога е време да се штеди, а кога не.
4. Независни се
За да заштедат пари, штедливите луѓе ќе научат како независно да ги извршуваат обврските. Куќните поправки се одличен пример за тоа, па тие ќе вложат дел од своето време за да научат сами да си поправаат одредени работи. Така нема да биде потребно да ангажираат некој мајстор кој би морале да го платат и на тој начин ќе заштедат пари.
5. Ги гледаат приликите кои останатите не ги гледаат
Интуицијата на скромните луѓе е многу развиена и тие веруваат во своите емоции. Токму поради тоа тие знаат да препознаат вистински прилики. Тие се луѓе кои се движат спротивно од другите луѓе па нема да ги купуваат работите кога се најпопуларни туку ќе причекаат да се намалат нивните цени. Така, тие не ги купуваат најновите технолошки апарати бидејќи го усвоиле правилото „една работа“. Значи, никогаш не купуваат повеќе од тоа што им е потребно.
6.Старите работи ги користат на нови начини
Креативноста е уште една од особините кои ги красат штедливите луѓе, па тие повеќенаменски ги користат предметите.
7.Горди се на својот начин на живот
На штедливите луѓе начинот на живот им е забавен бидејќи заземале таков став. Создале креативни начини како нивното семејство да ги намали трошоците во сите сегменти од животот
На пример, ги интересира рециклирањето и повторното користење на старите предмети и секогаш се отворени за други можности кои ќе ги научат како да станат уште поскромни.
