Искусниот фудбалер од средината на теренот, Мајкл Керик ќе добие понуда да ја продолжи соработката со Манчестер Јунајтед.
32-годишниот фудбалер има договор кој истекува наредното лето, а англиските медиуми пренесуваат дека Јунајтед на својот фудбалер ќе му понуди продолжување на соработката на уште две години.
Керик според сегашниот договор заработува 85.000 фунти неделно, а преговорите за новиот договор се очекуваат да започнат наскоро и веднаш да пронајдат заеднички јазик.
Инаку, заедно со Керик, во Јунајтед има уште неколку играчи чии договори истекуваат наредното лето и на кои мора да се посвети внимание.
Пред се, во таа кошница е капитенот Немања Видиќ, за кого се интересираат Јувентус и Милан, како и Рио Фердинанд, кого го привлекуваат од „MLS“-лигата, но и Патрис Евра кој најави враќање во татковината.
Не постои сомнеж дека транзицијата, која започна со заминувањето на Ферги, ќе има екот и во наредното лето.