Операцијата веќе започна, најверојатно „сините“ се договориле со германскиот фудбалер, а Реал е подоготвен да преговара.
Познато е дека Кедира е незадоволен со својот статус во клубот, а смета и дека не е доволно почитуван и не крие дека по заминувањето на Озил и тој сака да си оди од Реал и да се пресели во Англија.
Мурињо има високо мислење за овој универзален играч, кој би можел да го користи и како штопер, а „АЅ“ пишува дека Германецот прифатил да се пресели на „Стемфорд Бриџ“.
Реал е подготвен да го продаде, Анчелоти смета дека не му е неопходен. Прашање е секако цената, а се говори дека станува збор за 25 милиони евра, кои Челзи несака да ги плати. Можеби некој играч би бил вклучен во овој трансфер, но шпанските медиуми пишуваат дека во јануари ќе дојде до договор, поради тоа што и двата клуба се заинтересирани.
Кедира во Реал стигна од Штутгарт, една сезона пред истекот на договорот, а интересно е дека точната сума која „кралевите“ ја платија никогаш не беше соопштена, а се говори дека била околу десетина милиони евра.
