Се тестира нова функција за „WhatsApp“

Оваа опција им овозможува на корисниците да креираат слики врз основа на едноставни описи на текст и да ги споделуваат директно од разговорот.

Како што објави „The Verge“, оваа опција сѐ уште е во бета тестирање, целиот процес е едноставен. Доволно е да напишете текстуален опис на нешто во разговорот, а со помош на оваа опција ќе ви се создаде слика со помош на вештачка интелигенција.

Моделот за вештачка интелигенција зад оваа генерација на слики е програмата „Llama 3“ на „Меtа“, таа беше претставена претходно овој месец и означува голем скок во перформансите во однос на неговите претходници.

Не само што „Llama 3“ може да прави слики и анимации, туку може и да одговара на прашања и да извршува одредени задачи ако го побарате тоа.