29 мај, 2024
ПочетнаЗДРАВЈЕПет симптоми на дијабетес кои не смееме да ги игнорираме

Пет симптоми на дијабетес кои не смееме да ги игнорираме

Со олед на тоа дека бројот на заболени од преддијабетес вртоглаво расте, фармацевтот Греам Филипс, кој има повеќе од 35 години искуство, се залага за проактивен пристап кон здравјето. По една деценија работа на теренот, Филипс се разочарал од традиционалната медицина, забележувајќи дека неговите пациенти стануваат се потешки и поболни, додека лековите само ги маскираат нивните проблеми наместо да ги лекуваат.

Тој е посветен на помагање на луѓето да изгубат тежина, да го сменат преддијабетот и да го запрат дијабетесот тип 2. Тој верува дека прилагодувањето на животниот стил е многу важно, но за да се практикува, од клучно значење е прво да се препознаат предупредувачките знаци на оваа состојба. Така тој сподели пет симптоми на дијабетес кои не треба да ги игнорираме.

Сооднос помеѓу половината и висината: Според Филипс, важна мерка за здравјето е односот на половината и висината: „Ако обемот на половината е поголем од половина од вашата висина, може да бидете изложени на ризик од дијабетес“, изјави тој за The Mirror.

Имате прекумерна тежина, но постојано сте гладни: Филипс вели дека кога нивото на инсулин е високо, телото ефикасно ги складира резервите на маснотии, што ги прави помалку достапни за употреба. Ова може да доведе до зголемување на телесната тежина.

Акантоза и/или кожни дамки: Состојбата на кожата како што е акантоза (темни дамки на кожата) укажуваат на основни метаболички проблеми.

Симптоми на метаболички синдром: Знаците како што се дури и малку покачен крвен притисок, покачени нивоа на шеќер во крвта, вишок телесни масти, особено околу половината и абнормални нивоа на холестерол, не треба да се игнорираат. Тоа може да бидат знаци дека развиваме метаболички синдром, кој го зголемува ризикот од дијабетес.

Раздразливост поради глад: Ова однесување може да укаже на нагли промени во нивото на шеќер во крвта, што може да биде резултат на неурамнотежена исхрана.

Греам ја истакна важноста да се обрне внимание на овие предупредувачки знаци и да се преземат проактивни чекори кон поздрав начин на живот. „Раното препознавање на овие предупредувачки знаци може да направи значителна разлика во запирање на дијабетесот и зголемување на севкупниот животен век“, заклучил Филипс.

НАЈНОВИ ВЕСТИ

ХОРОСКОП