„Neuralink“, стартап компанијата на еден од најбогатите луѓе во светот, Илон Маск, сега може да се пофали со уште едно значајно достигнување. Според Маск, имплантот „Blindsight“ ќе им го врати видот на оние кои не можат целосно да гледаат.
-Системот веќе работи кај мајмуните. Резолуцијата ќе биде ниска на почетокот, како раната графика на Nintendo, но на крајот може да го надмине нормалниот човечки вид, рече тој.
Тој нагласи дека „ниту еден мајмун не умрел или е сериозно повреден од овие уреди“. Тој особено ја истакна оваа поента, очигледно затоа што Neuralink се соочи со критики и од регулаторите и од групите за права на животните во врска со третманот со мајмуните, кои се клучен дел од нивната експериментална работа.
Покрај споменатиот имплант, посебно внимание добива уште еден чип создаден во компанијата на Маск. Се нарекува „Телепатија“ и им овозможува на корисниците да ги контролираат компјутерите со својот ум. Во јануари, Маск објави дека пациентот добро закрепнува откако му бил вграден чипот во мозокот, а подоцна изјавил дека пациентот може да го движи курсорот на компјутерскиот глушец со својот ум.
Вчера беше објавено видео од пациент, кој е парализиран од вратот надолу, како игра шах користејќи само контрола на умот. Постапката вклучува вметнување на 64 флексибилни нишки во делот од мозокот кој ја контролира намерата за движење. Конците се толку фини што робот мора да ги вгради. Тие потоа му дозволуваат на имплантот да снима и пренесува мозочни сигнали до апликацијата, која потоа го декодира саканото движење. Имплантот се напојува од батерија која може да се полни безжично.
I should mention that the Blindsight implant is already working in monkeys.
— Elon Musk (@elonmusk) March 21, 2024
Resolution will be low at first, like early Nintendo graphics, but ultimately may exceed normal human vision.
(Also, no monkey has died or been seriously injured by a Neuralink device!)