29 мај, 2024
ПочетнаАВТОБИЗЕпско име за „евтиниот“ електричен кросовер на „Skoda“ (ФОТО/ВИДЕО)

Епско име за „евтиниот“ електричен кросовер на „Skoda“ (ФОТО/ВИДЕО)

„Skoda“ има намера да лансира шест нови електрични автомобили до 2026-та година, а најприфатливиот од купот ќе се вика „Epiq“.

Чесите планираат да го пуштат во масовно производство следната година со почетна цена од 25.000 евра. „Skoda“ го промовира кросоверот како „мал, но епски“, и тоа ќе биде електричен автомобил на почетната класа на марката.

„Epiq“ ќе биде меѓу првите модели на марката што ќе го прифатат свежиот „Modern Solid“ дизајнерски јазик. Неговата должина е 4,1 метар, што го прави електрична алтернатива на „Kamiq“. Сепак, субкомпактната „Skoda Epiq“ ќе користи посветена „EV“ платформа, веројатно „MEB Entry“, која „VW Group“ веќе ја најави.

Новата архитектура беше прегледана од германскиот производител со минатогодишниот концепт „ID.2all“. Во овој случај, сепак, „VW“ се обложи на хечбек, додека „Skoda“ го подготвува овој кросовер. Тој е пократок од веќе споменатиот „Kamiq“, но е попрактичен, бидејќи волуменот на багажникот му е за 20% поголем и достигнува 490 литри.

Чешкиот производител не открива други карактеристики на моделот, но укажува дека батерискиот пакет ќе биде доволен за автономија од над 400 километри.

Платформата „MEB Entry“ е дизајнирана за електрични возила со погон на предните тркала, додека обичниот „MEB“ што го користи поголемиот „Enyaq“ доаѓа со погон на задните тркала. Поскапите и помоќни модели базирани на „MEB“ што ги продава „VW“ Group исто така добиваат „AWD“ со додавање на преден мотор. Сè уште не е јасно дали автомобилите „MEB Entry“ ќе имаат погон на сите тркала.

Дизајнерскиот јазик „Modern Solid“, според маркетинг жаргонот на „Skoda“, ќе им даде поцврст изглед на идните модели на брендот. „Epiq“ ќе добие пластична обвивка на каросеријата околу браниците и необоени делови од задните браници. Забележливи се шините на покривот, осветлениот заден амблем и тенки задни светла.

Приклучокот за полнење е поставен на предниот браник, а не на задниот дел како што е случајот со „Enyaq“. Контрастните портокалови акценти се наоѓаат внатре и надвор, заедно со прекината светлосна лента што поминува низ широката решетка. Севкупно, „Epiq“ повеќе личи на прототип речиси на производство, бидејќи тешко дека ќе има многу промени до 2025-та година. Затоа „Skoda“ го нарекува „дизајн студија“ наместо концепт.

НАЈНОВИ ВЕСТИ

ХОРОСКОП