Постојат неколку видови на овие промени и тие можат да се најдат насекаде на телото.
Тоа се мали дамки кои најчесто се наоѓаат на трупот, рацете и рамената, а жените можат да ги имаат и на градите. Понекогаш крвните садови се разгрануваат од нив во сите правци.
Ако сте виделе црвена точка на вашата кожа која досега не сте ја имале, не грижете се, тоа е ангиом – мал бениген тумор кој се состои од крвни садови и е целосно безопасен.
Постојат неколку видови и може да се најдат насекаде на телото, а се појавуваат од две причини, имено:
Години од животот
Многу луѓе ги добиваат по 30 години. Тоа се претежно многу мали дамки кои најчесто се наоѓаат на трупот, рацете и рамената, а жените можат да ги имаат и на градите.
Тие се појавуваат поради промените на кожата и крвните садови кои доаѓаат со возраста. Во овој случај се работи за таканаречен ангиом во форма на минијатурна цреша.
Здравствени проблеми или лош начин на живот
Ако ангиомот изгледа како точка од која се разгрануваат крвните садови, тоа може да укажува на проблеми со црниот дроб, болести на циркулаторниот систем или хормонална нерамнотежа во телото.
Овој тип се нарекува – пајак ангиом. Почесто се појавуваат во детството и за време на бременоста, а кога ќе се појават во голем број можат да предупредат на оштетување на црниот дроб.
Кога треба да посетите лекар?
Ако забележите дека црвената дамка неочекувано се променила во големина, форма или почнала да крвари, контактирајте со вашиот лекар.
„Ангиомите не треба да се лекуваат освен ако крварат или не се вознемирувачки. Тие може да се третираат со електродесикација, течен азот или ласер. Сите три типа третмани обично даваат добар козметички резултат. Електродесикацијата се состои од допирање на кожата со електрична игла и уништување на крвните садови. Течниот азот е ладен гас кој се прска на кожата со пиштол за прскање или се нанесува со памук. Ласерот користи зрак на концентрирана светлина – велат експертите од Американскиот остеопатски колеџ за дерматологија, истакнувајќи дека ангиомите понекогаш се повторуваат по третманот.
Превенција
Најдобрата превенција на ангиомите е здрав начин на живот и урамнотежена исхрана. Јадете многу овошје и зеленчук и не заборавајте на здравите масти како оние од авокадото и маслиновото масло. Ова ќе и помогне на вашата кожа да остане млада и здрава.
