Компанијата „Meizu“ излегува од бизнисот со производство на паметни телефони, ќе се фокусира на нешто друго.
„Meizu Technology“, компанија во сопственост на производителот на автомобили „Geely“, вели дека вештачката интелигенција е иднината и ќе инвестира се во вештачката интелигенција.
Според објавата на кинеската мрежа „Weibo“, тимот што го создаде „FlymeOS“ ќе биде реструктуиран за да работи на нови терминали за вештачка интелигенција и ќе користи глобално достапни „LLM“, како што е „Open AI“.
Како што истакнува Шен Жију, извршен директор на „Xingji Meizu Group“, корисниците на паметни телефони прават долги паузи помеѓу надградбата на нивните уреди – во просек 51 месец, што е повеќе од четири години. Затоа нема да ги има повеќе уредите „Meizu 21 Pro“, „Meizu 22“ и „Meizu 23“.
Компанијата веќе ги постави темелите за своето искуство со повеќе терминали кога го објави „Flyme Auto“ – инфозабавен систем за возила создаден од „Geely“, вклучувајќи ги „Polestar“ и „Lotus“. Тие лесно и брзо се поврзуваат со уредите „FlymeOS 10“, како што се премиум моделите „Meizu 20“ и „Meizu 21“.
Новиот оперативен систем е создаден за да се користи во ерата на вештачката интелигенција и ќе биде лансиран во текот на 2024-та година. Ќе го видиме и првиот хардверски производ напојуван од таа вештачка интелигенција во оваа година.
Поддршката за актуелните телефони на „Meizu“ ќе остане во Кина, додека нема информации за уредите објавени на светскиот пазар.
