Наидовте на нечие стори на „Instagram“ и сакате да го зачувате (не навлегуваме во причините). Може ли таа личност да знае дека сте направиле скриншот?
Откако беа претставени „Instagram Stories“, имаше спротивставени информации за ова прашање. Некогаш тоа беше поради неинформираноста на корисниците, бидејќи самата апликација можеше да се багира додека се испробуваа нови работи и додека програмерите правеа секакви работи во позадина.
Дефинитивниот одговор е овој: „Instagram“ нема да го извести корисникот дека сте ја снимиле неговата (или нејзината) приказна. Во исто време, исто така, не можете да знаете дали некој направил скриншот од вашето стори.
Истото важи и за снимањето на нечиј профил од екранот, но работите стануваат малку посложени кога станува збор за снимање пораки од екранот.
Доколку се допишувате со некого и тој/таа ви прати едноставна порака во ДМ, можете да ја снимите без страв. Меѓутоа, ако некој ви испрати слика или видео што е поставено да исчезне (не е зачувано во разговорот) и направите скриншот, корисникот ќе биде известен.
