Јапонската агенција за истражување на воздухопловството (JAXA) ќе се обиде да испише историја и да стане четвртата земја што слетала вселенско летало на Месечината. Вселенското летало SLIM (Smart Lunar Exploration Probe) ќе се обиде да слета на површината на Месечината во петок, 19 јануари.
Иако американското вселенско летало Peregrine доживеа дебакл минатата недела, не функционираше во орбитата на Земјата, така што SLIM ќе биде првото вселенско летало кое ќе се обиде да слетa на Месечината во 2024 година.
Леталото беше лансирано во вселената на 6 септември 2023 година со јапонската ракета H-2A и треба да демонстрира прецизно слетување, пишува India Today. Пристигна во лунарната орбита на 25 декември.
Советскиот Сојуз беше првата земја која успешно го спушти вселенското летало Луна 9 на Месечината на 3 февруари 1966 година, а Соединетите држави станаа првата и досега единствената земја што испрати луѓе на површината на Месечината (астронаутите на Аполо 11 слетаа на Месечината на 16 јули 1969 година). Сепак, тие ги прекинаа мисиите на Месечината во 1976 и 1972 година, па така во 21 век, само Кина (2013) и Индија (2023) успеаја во тоа.
