Microsoft и OpenAI „премногу блиски“? Европската унија најави можна истрага

Европските антимонополски регулатори денеска објавија можна истрага за инвестицијата на американскиот технолошки гигант Microsoft во развивачот на вештачка интелигенција Open AI за потенцијални прекршувања на законите на ЕУ за спојување.

Во исто време, шефицата на антимонополската политика на ЕУ, Маргрете Вестагер, ги повика големите дигитални компании да ги информираат регулаторите за можни проблеми поврзани со прекршување на правилата за пазарна конкуренција во областа на вештачката интелигенција (AI), пренесува Ројтерс.

Минатата година Microsoft се обврза да инвестира повеќе од 10 милијарди долари во Open AI.

Сепак, тие нагласија дека не поседуваат ниту еден дел од компанијата што го разви генеративниот систем за вештачка интелигенција ChatGPT.

Европската комисија претходно изјави дека „внимателно ги следи“ последиците од инвестициите на Microsoft во Open AI врз динамиката на целокупниот пазар.