Американскиот технолошки гигант „IBM“ соопшти дека ќе ги купи технолошките платформи за претпријатија на „Software AG“ за 2,13 милијарди евра за да ја зајакне својата понуда за вештачка интелигенција и хибриден облак, пренесува „Reuters“.
„IBM“ ќе ги купи „StreamSets“ и „webMethods“ платформите на „Software AG“ со достапни пари, се вели во соопштението на компанијата.
Платформите обезбедуваат интеграција на апликации, управување со програмски интерфејс за апликации (API) и интеграција на податоци, меѓу другите апликации.
Мнозинскиот сопственик на „Software AG“ е фирмата за приватен капитал „Silver Lake“.
„Можноста да се здружат тимовите на „StreamSets“ и „webMethods“ со „IBM“ за да се иновира иднината на хибридниот облак и следната генерација решенија за вештачка интелегенција за бизнис е навистина возбудлива“, рече Кристијан Лукас, претседател на Надзорниот одбор на „Software AG“.
