Пристигна ажурирање за платформата на Apple, кое го поправа проблемот што ги мачеше корисниците.
Apple им препорача на корисниците да ја преземат најновата надградба на iOS, која пристигнува во верзијата iOS 17.2.1.
Компанијата со седиште во Купертино укажува дека новото ажурирање носи важни поправки на грешки во софтверот на Apple за iPhone.
Што е најважно, ажурирањето го поправа проблемот со празнење на батеријата, што е проблем со кој се соочуваат голем број корисници.
„Ажурирањето на софтверот е една од најважните работи што можете да ги направите за да го одржите вашиот производ на Apple безбеден“, велат од компанијата.
