Најскапиот фудбалер во светот Герет Бејл има хернија и најверојатно ќе мора да се подложи на операција, пишува весникот „Марка“.
Клупските лекари на Реал откриле проблем со два пршлени на Велшанецот. Бејл остана во Мадрид и ја одби поканата од велшкиот национален тим, за да се подготви подобро за средбите со клупскиот тим.
Доколку биде извршен оперативен зафат врз Велшанецот, Бејл би морал да паузира во следните 3-4 месеци.
„Марка“ потсетува дека во сезоната 2010-11 со слична дијагноза беше и аргентинскиот напаѓач Гонзало Игуаин.
Тогаш Аргентинецот се подложи на операција и не играше четири месеци.