Дискусиите за апокалиптичното сценарио од употребата на вештачка интелигенција (AI) го одвлекуваат вниманието од реалните ризици како што е создавањето на огромни количини на дезинформации, изјави за Гардијан Ајдан Гомез, коавтор на истражувањето кое помогнало да се создадат чет-ботови.
-Треба да се проучат долгорочните ризици како што е егзистенцијалната закана на AI за човештвото, но тие не смеат да го одвлечат вниманието од штетата што може да ја предизвикаат сега. Мислам дека кога станува збор за егзистенцијални ризици и правила, тоа не е продуктивен дијалог. Што се однесува до правилата, тоа го одвлекува вниманието од многу пореални и непосредни ризици – рече тој.
Како што наведува Гардијан, во 2017 година тој бил еден од истражувачите на Google кои го создале Transformer, клучна технологија за јазичните модели кои ги напојуваат чет-ботовите. Чет-ботовите како ChatGPT или генератори на слики како Midjourney ја шокираа јавноста со нивните способности да создаваат можни текстови и слики.
-Оваа технологија е веќе во производите на милијарда луѓе, како Google и слично. Со себе носи многу ризици, но ниту еден од нив не е егзистенцијален, ниту еден не е апокалиптичен. Треба да се фокусираме на она што ќе влијае на животот на луѓето или веќе го прави тоа, а не на долготрајна академска и теоретска дискусија – рече тој.
Гомез истакна дека ширењето на дезинформации треба да биде клучната грижа.
-Овие модели на вештачка интелигенција можат да создадат медиуми кои се исклучително убедливи, примамливи и не се разликуваат од сликите и текстот направени од човекот. Мораме да смислиме како да и дадеме на јавноста способност да прави разлика меѓу различните видови медиуми – изјави Гомез.