Новак Ѓоковиќ го победи Гаел Монфис со 6:3, 6:2 во осминафиналето на Мастерсот во Синсинати и испиша историја на тенисот.
Српскиот тенисер со оваа победа стигна до неверојатни 19:0 во мечевите со Монфис, што е нов АТП рекорд. Досега рекордот го делеше со Рафаел Надал, кој има 18:0 против Ришар Гаске, уште еден Французин.
Бјорн Борг против Витас Герулаитис, Роџер Федерер против Давид Ферер и Михаил Јужни и Иван Лендл против Тим Мајот имаа по 17:0 во меѓусебните мечеви.
За полуфиналето Ѓоковиќ ќе се бори против домашниот тенисер Тејлор Фриц, кој се пласираше во четвртфиналето откако Душан Лајовиќ се предаде при водство на Фриц со 5:0 во првиот сет.
