Дневната употреба на Threads, одговорот на Мета за Twitter, продолжува да опаѓа по силниот почеток во првите недели по лансирањето.
Ангажманот на социјалната мрежа падна за 79%, од максимумот од 2,3 милиони активни корисници на почетокот на јули на 576.000 до 7 август, според Similarweb, платформа за дигитална интелигенција. Покрај корисниците кои ја напуштаат платформата, големите американски компании како синџирот за брза храна Wendy’s, продавницата за облека Anthropologie и линијата за шминка Rare Beauty ги намалија своите објави на Threads, пишува Adweek.
Во првите неколку часа од нејзиното лансирање на 5 јули, Threads собра импресивни 5 милиони регистрации на корисници и за помалку од една недела, најмалку 100 милиони луѓе се регистрираа, што ја прави апликација со најбрзо преземање.
Но, првичната возбуда се чини дека постепено избледе. Во својот најпрометен ден, Threads имаше помалку од половина од бројот на корисници на Твитер, според Similarweb. Твитер има во просек повеќе од 100 милиони активни корисници дневно. Threads требаше да го искористи хаосот на Твитер откако Илон Маск го презеде и ја симна апликацијата од тронот како истакната социјална мрежа за текст.
Откако го презеде Твитер во октомври 2022 година, Маск го отпушти поголемиот дел од персоналот на апликацијата и изврши низа контроверзни промени во политиката кои доведоа до пад на приходите од рекламирање. Долгогодишните корисници се жалеа на чести падови, зголемен говор на омраза и токсичен говор на платформата.
Во меѓувреме Цукерберг и Маск јавно се препукуваа, а летово размислуваа и за тепачка во кафез. Во неделата, Цукерберг рече дека е време да се откаже од идејата бидејќи Маск не изгледа сериозен во врска со тоа, им рече шефот на Мета на своите следбеници на Threads.
