Компанијата „Apple“ доби патент за телефон со свитлив дисплеј.
Патентот, кој компанијата го поднесе за одобрување во ноември минатата година, опишува електронски уред со дисплеј што „може да се помести помеѓу ненамотана состојба каде што дисплејот е рамен и завиткана (виткана) состојба“.
Патентот споменува употреба на „локално разреден“ слој од стакло на тој дел што е закривен, како и дисплеј кој е конфигуриран да спречи деформација и оштетување кога прстот, пенкалото или друг надворешен предмет на корисникот ќе дојдат во контакт со него.
Иако патентот ја споменува примената на овој формат на електронски уреди со екрани во општа смисла, тој конкретно ги споменува и преносните уреди како паметните телефони.
Веќе имавме шанса да видиме некои уреди со заоблен екран претходно – „LG“ е лидер на овој бран со својот стар телевизор што се витка, како и телефон кој беше блиску до објавување, но сепак не ја виде светлината на денот.
„Motorola“, исто така, покажа концепти за телефон што може да се тркала, како и „Oppo“, но ниту една компанија не лансираше ваков уред за пошироката јавност.
