„Meta Platforms“ објави дека лансирала услуга базирана на претплата наречена „Meta Quest+“ која ги таргетира нејзините очила за виртуелна реалност. Овој потег има за цел да го развие младиот пазар, кој допрва треба да привлече големи инвестиции, пренесува „Reuters“.
На „Instagram“, извршниот директор Марк Цукерберг рече дека претплатата за „Meta Quest+“ ќе биде достапна од понеделник за 7,99 долари месечно или 59,99 долари годишно, за нејзините очила „Quest 2“, а наскоро и за „Quest 3“.
„Apple“ исто така влезе на овој пазар во кој доминира „Meta“, неодамна ги покажа своите очила за проширена реалност „Vision Pro“ од 3.499 долари. Уредот на „Apple“ чини три пати повеќе од најскапите очила на „Meta“.
Во март, компанијата на Цукерберг ги намали цените на своите очила, откако нејзиниот храбар потфат во метаверзумот никогаш навистина не тргна.
Водечкиот модел „Meta Quest Pro“ моментално е достапен за 999,99 долари, што е помалку од претходната цена од 1.499,99 долари, а „Quest 2“ е достапен за 299,99 долари, според веб-страницата на „Meta“.
Наведени како следната голема работа, очилата за виртуелна реалност сè уште не се мејнстрим успех, туку се популарни меѓу гејмерската заедница, иако уредите сега имаат многу понапредни функции.
