Високите температури не само што носат ризик од топлотен удар, туку и од труење со сонце.
Оваа состојба обично е предизвикана од изложување на ултравиолетово зрачење кое предизвикува воспаление на кожата, па тоа е всушност лаичкото име за многу тешки изгореници од сонце.
За разлика од благите изгореници, труењето со сонце обично бара третман за да се спречат компликации како што се оштетување на кожата, топлотен удар и рак.
Еден од најчестите симптоми е оток на лицето, што е најчеста алергиска реакција на сонце. Други симптоми вклучуваат црвенило и плускавци на кожата, болка и печење, оток, главоболка, треска, гадење, вртоглавица и дехидрација.
Можете да спречите труење со сонце ако се држите подалеку од сонцето или останувате во сенка, особено помеѓу 11 и 15 часот.
Носете капа и лесна облека од материјали што дишат и редовно нанесувајте крема за сончање.
Избегнувајте вежбање или активности кои го загреваат телото.
Јадете ладна храна и освежете се со пијалоци, но држете се настрана од алкохол, кофеин и топли напитоци.
Туширајте се со ладна вода, дење затворете ги прозорците, но отворете ги навечер, кога температурата на воздухот паѓа.
