Не секоја злонамерна апликација е дизајнирана на таков начин од програмерите. Имено, хакерите понекогаш таргетираат популарни апликации во кои вметнуваат малициозни кодови.
Апликацијата iRecorder – Screen Recorder има повеќе од 50.000 преземања и сега шири тројанец за далечински пристап (RAT) на корисниците, велат од компанијата за сајбер безбедност ESET, како што објави Komando.
Апликацијата е во Play Store од 2021 година и тогаш беше исправна. Но, со ажурирањето од август 2022 година дојде и злонамерниот софтвер. Google реагираше и ја отстрани, но ако ја имате апликацијата на телефонот, треба да ја избришете.
Апликација заразена со малициозен софтвер може да снима аудио, да краде датотеки од вашиот телефон и да ги испраќа до хакери. Ова значи дека сите ваши фотографии, видеа и документи складирани на вашиот мобилен телефон може да завршат во рацете на измамници.
