СТИНГ ЗА ВЕШТАЧКАТА ИНТЕЛИГЕНЦИЈА: Градежните елементи на музиката ни припаѓаат на нас луѓето

Познатиот британски поп пејач Стинг изјави дека музичарите денес се борат да ја одбранат својата работа од голем број песни создадени од вештачка интелигенција.

– Градежните елементи на музиката ни припаѓаат нам, на луѓето – изјави Стинг за британскиот јавен сервис.

Еден од најпопуларните пејачи и поранешен фронтмен на групата „Полис“ истакна дека тоа е битка која сите ќе треба да ја водат во следните неколку години, а тоа, како што нагласи, е одбраната на човечкиот капитал од вештачката интелигенција.