Автомобилите на Тесла се полни со сензори, камери и технологија, а се чини дека компанијата на Маск сега има намера да ја користи оваа технологија за да ги следи возачите и нивното однесување додека возат. Тесла официјално не објави ништо за овие новитети, но како што пренесува Electrek, тие ги открил сопственик на Тесла кој е познат по откривањето на нови опции од софтверот на овие возила.
Според неговите сознанија, Тесла почнал да го следи однесувањето на возачите во своите автомобили додека е активиран автопилотот, но и додека возачите го управуваат возилото. Автомобилите сега почнуваат да ги следат работите како што се проѕевањето на возачот, бројот на трепкање на очите и дали возачот се навалува на своето седиште додека вози, се со цел да се процени заморот на возачот. Тесла го следи однесувањето на возачот преку внатрешна камера која се користи за следење на однесувањето на возачот од 2021 година.
Оттогаш, камерите се користат за да се осигура дека возачот гледа на патот, односно не користи мобилен уред додека вози. Друга работа што со години се следи во автомобилите на Тесла е стисокот на рацете на возачот на воланот, за да се осигура дека возачите не го активираат автопилотот, а потоа ги тргаат рацете од воланот и целосно ја оставаат контролата на возилото на компјутерот. Такво нешто не е дозволено бидејќи возачите, дури и со активиран асистент за возење, мора секогаш да ја следат состојбата на патот и се единствени одговорни за се што се случува додека возат. Како што веќе пишувавме за тоа, во некои случаи возачите успеале да го измамат Тесла и целосно да го препуштат возењето на компјутерот, додека тие одмарале или дури спиеле.
Според Electrek, се чини дека Тесла планира да воведе некои дополнителни опции за следење на стилот на возење – на пример, ако возачот го држи автомобилот во својата лента или ако автомобилот вози во друга лента, и ќе го следи бројот на предупредувања и корекции на автомобилот во овие ситуации.
Она што не е познато е што има намера да направи Тесла со сите овие податоци или како има намера да ги искористи за да го подобри возењето, но јасно е дека таквите опции за следење на однесувањето на возачот и неговиот замор секако би можеле да се искористат за подобрување на безбедноста при возењето.
