Ако сте сурфале на интернет изминатата недела, не би можеле да ја пропуштите фотографијата на папата Франциско во џиновски бел скафандер. Фотографијата направена од вештачката интелигенција брзо стана вирална, а многумина не можеа да утврдат дали се работи за вистинска фотографија или дипфејк.
Папата во скафандер ги загрижи експертите кои веруваат дека вештачката интелигенција може да создаде нешто многу полошо од безопасни интернет шеги.
Во интервју за Си-Ен-Ен, експертот за технологија Шинејд Бовел објасни зошто нешто како слика на папата во голема пуфер јакна е закана.
„Мислам дека стана толку вирален не само затоа што на некои луѓе им беше смешно, туку затоа што повеќето луѓе не можеа да кажат дека е лажна. Со години знаеме дека сликите генерирани од вештачка интелигенција претставуваат закана за демократијата и општествата во светот каде што не може да се разликува вистинското од лажното.
Тој свет е тука, свет во кој сликите и видеата можеби повеќе не се синоним за вистината“, вели тој.
„Првиот случај на масовна дезинформација“
„Има многу социјални импликации и оваа технологија стана достапна за секого со паметен телефон. Ние сме далеку од пливање во море од информации каде што не можеме навистина да кажеме што е реално, а што не“, заклучува Бовел.
Тој додава дека нема решение да се открие што е создадено од вештачката интелигенција и што е всушност реално, објаснувајќи дека тоа би била игра на мачка и глушец.
Новинарот Рајан Бродерик го нарече случајот со папата во вселенски костум првиот вистински случај на дезинформација со вештачка интелигенција во масовни размери и призна дека првично бил измамен од слика генерирана од вештачка интелигенција.
„Кога не можете да им верувате на доказите на сопствените очи и уши благодарение на вештачката интелигенција, може да биде тешко да се знае дали она што го гледате е реално или не“, рече тој.
