Со популарноста обично доаѓаат проблеми, последниот пример е ChatGPT на OpenAi. Сајбер-криминалците често ги злоупотребуваат услугите за кои сите зборуваат, па тоа се случи и овој пат.
Новиот четбот им служеше да шират малициозен софтвер за Windows и Android, а сериозноста на проблемот е јасна ако се знае дека во јануари бројот на корисници надмина 100 милиони. Нападот започнува со хакери кои им ветуваат на потенцијалните жртви бесплатен премиум ChatGPT, со цел да ги мотивираат да преземаат и инсталираат малициозен софтвер на нивните уреди кои потоа собираат чувствителни податоци. За ова користат и лажни Фејсбук страници кои го користат вистинското лого на ChatGPT, а од нив целите се пренасочуваат кон злонамерните веб-страници.
Нападите наликуваат на многу други, а освен на социјалните мрежи, лажни апликации ChatGPT се рекламираат и во Google Play Store. Експертите открија дури 50 апликации кои го имитираат популарниот четбот, па се посочува дека вистинскиот ChatGPT е онлајн алатка која е достапна само на „chat.openai.com“ и моментално не нуди никакви мобилни или десктоп апликации. Ова значи дека сите такви понуди се измами и веројатно содржат малициозен софтвер кој може да ја загрози безбедноста на оние што ги преземаат.
