„Samsung“ обично објавува нов експериментален „Good Lock“ модул за својот најнов водечки телефон, пред да пристигне поддршката за другите уреди од високата класа на „Samsung“.
Овој пат компанијата направи нешто слично со функцијата „Camera Assistant“, најновиот модул што дебитираше во октомври 2022-ра година по објавувањето на „One UI 5“.
Досега „Good Lock“ беше достапен само на моделите „Samsung Galaxy S23“ и „S22“, но пристапот е проширен на неколку дополнителни „Galaxy“ уреди, известува „Android Police“.
Најголемиот светски производител на паметни телефони најави големо ажурирање на „Camera Assistant“ веднаш по објавувањето на серијата „Galaxy S23“ во средината на февруари, додавајќи нови функции и проширување на поддршката за уредите. Компанијата објави верзија со нови функции, но недостасуваше компатибилност со постарите телефони „Galaxy“. Ажурирањето сега се објавува низ продавницата на „Galaxy“ и го прави „Camera Assistant“ компатибилен со следните уреди „Galaxy“ што го користат моќниот кориснички интерфејс „One UI 5.1“:
Серијата „Galaxy S22“
Серија „Galaxy S21“
Серијата „Galaxy S20“
„Galaxy Z Fold 4“
„Galaxy Z Flip 4“
Како што ажурирањето „One UI 5.1“ базирано на „Android 13“ станува достапно во различни региони, сè повеќе корисници можат да го испробаат „Camera Assistant“ на нивните уреди. „Samsung“ исто така работи на проширување на компатибилноста на модулот „Good Lock“ со повеќе телефони, вклучувајќи ги „Galaxy Z Flip 3“, „Z Fold 3“, „Fold 2“ и серијата „Galaxy Note 20“.
Со „Camera Assistant“, можете да овозможите „Auto HDR“, автоматско префрлување помеѓу камерите, како и да приспособите различни инаку недостапни поставки за камерата на вашиот компатибилен „Galaxy“ телефон. Можеби најзабележителна е опцијата „Quick Tap Shutter“, која го менува однесувањето на камерата така што фотографијата се прави веднаш откако ќе го допрете копчето за бленда. Стандардно, во апликацијата „Samsung Camera“, фотографијата се прави во моментот кога ќе го извадите прстот од полето.
Модулот „Camera Assistant“ може да се инсталира од „Galaxy Store“. За разлика од другите додатоци „Good Lock“, „Camera Assistant“ е самостојна апликација и не бара да се инсталира „Good Lock“.
