Појадокот е полн со влакна, омега-3 масни киселини и протеини.
Вежбањето пет пати неделно, доволно сон и „чисто“ мени, без брза храна, се заслужни за совршениот изглед на латино дивата Џенифер Лопез и на 54-годишна возраст.
Тренерот Марк Борхес го откри рецептот за смути на Џеј Ло за почеток на денот.
-Таа прави неверојатно здрав појадок полн со влакна, омега-3 масни киселини и протеини. Тоа е навистина здрав оброк или пијалок за опоравување после тренинг – изјави Борхес за People.
Состојки:
-шака спанаќ
-смрзната банана
-шолја оризово млеко
-2 лажички бадемов путер
-лажица протеински прав
Ставете ги сите состојки во блендер и матете додека не ја постигнете саканата конзистентност на смути.
-Знаев дека некои намирници не ми обезбедуваат енергија, открила своевремено Џеј Ло.
-Тоа го сфатив со текот на времето и секогаш, пред да подготвам нешто, се прашував дали таа храна би била здрава за моите деца. Затоа бев подготвена да пробам нешто поинакво. Ова смути од спанаќ има свеж вкус и кога ќе го пиете, знаете дека сте направиле нешто добро за себе. Тоа прави голема разлика.