Apple „тивко“ претстави нови модели на лаптопи MacBook Pro за 2023 година, како и нов Mac Mini со нови M2 Pro и M2 Max процесори.
MacBook Pro, односно моделите од 14 и 16 инчи, може да се купат со процесорите M2 Pro и M2 Max, кои нудат до 20 отсто подобри CPU и 30 отсто подобри перформанси на графичкиот процесор во споредба со претходната генерација.
Новите процесори носат унифицирани мемориски конфигурации, при што M2 Pro нуди опции од 16 и 32 GB RAM, а M2 Max нуди 32, 64 и 96 GB.
Меморијата за складирање може да се конфигурира од 512 GB до 8 TB. Во случај на најевтината варијанта: 16 GB RAM и 512 GB меморија.
Можно е да ги изберете однапред подготвените опции за конфигурација на Apple, по три за секоја големина, но можете да ги изберете и опциите што ги сакате, односно кој било процесор и меморија.
Новите процесори се побрзи и поекономични од претходниците М1 кои досега се користеа во компјутерите на Apple.
Претходната серија на чипови М1 беше произведена од TSMC на технологија на производство од 5 nm, а силиконот за новите чипови користи подобрен процес кој ќе им овозможи на новите процесори да имаат подобри карактеристики.
Новите Mac добиваат уште побрза верзија на безжичната врска Wi-Fi 6E, која ќе овозможи побрз пренос на податоци и помало доцнење во комуникацијата.
Влезот HDMI исто така е надграден до стандардот 2.1, кој поддржува 8K на 60Hz и 4K на 240Hz.
Најевтиниот Mac стана уште подобар
Новиот Mac Mini доаѓа и со истите M2 и M2 Pro процесори. Има и пониска почетна цена која сега е 599 долари, а старата варијанта на Интел е официјално укината.
И двете верзии имаат „само“ 8 GB RAM, но може рачно да се конфигурираат на 16 и 24 GB.
Разлика има и во врските. Поевтиниот Mac Mini има само две Thunderbolt 4 порти, додека поскапата варијанта има четири.
