Српскиот тенисер Новак Ѓоковиќ беше гостин на познатиот портал „433“ и по тој повод одговараше на прашања поврзани со фудбалот. По тој повод откри дека би играл за Црвена звезда, но даде и многу други интересни одговори.
„Би играл за клубот од мојот роден град, Црвена звезда, или за Милан“, изјави Ѓоковиќ.
На која позиција би играле:
„Лева страна, веројатно лево крило. Шутирам со левата нога, би се обидел да им асистирам на соиграчите во шеснаесетникот“.
Колку црвени картони би добил?
„За симулирање или за стартови? Не знам, да речеме… 33. Зошто да не бидам агресивен?”
Со кој играч би сакале да играте?
„Златан Ибрахимовиќ ми е пријател, покрај него со Кристијано Роналдо, Лионел Меси… А од постарите со Габриел Батистута“.
Колку голови би постигнал?
„111 гола“.
Колку автоголови?
„Мислам дека мојата кариера би била завршена доколку би постигнал повеќе од еден автогол, па ќе одам со еден“.
Кој трофеј би сакале да го освоите?
„Светското првенство со Србија“, заклучи Ѓоковиќ.
