Објавата која Лионел Меси ја сподели со своите следбеници на Инстаграм направи неверојатен рекорд.
По освојувањето на Светското првенство во Катар, Лионел Меси на Инстаграм објави фотографија на која го држи трофејот.
Фотографијата стана најлајкувана на популарната платформа за помалку од 24 часа, а моментално има повеќе од 60 милиони лајкови.
Оваа објава го престигна претходниот рекордер – сликата на јајце, која моментално има над 56 милиони лајкови.
Меси е главниот актер на уште две фотографии кои се многу популарни на Инстаграм.
Така е надминат бројот на лајкови на фотографијата на која Лео Меси и Кристијано Роналдо играат шах на градите на брендот Луј Витон.
Интересна е и фотографијата на која Меси го држи трофејот од Мундијалот и е во автобус, а моментално има над 35 милиони лајкови.
Како дел од објавата, Меси испрати и порака до своите повеќе од 400 милиони пријатели на Инстаграм:
„Светски шампиони! Често сонував за тоа, не верувам. Благодарам на моето семејство, на сите што ме поддржуваат и на сите што веруваа во нас. Покажавме дека сме способни да го постигнеме она што го зацртавме. Тоа е силата на секој што се бори за истиот сон. И ова беше сонот на сите Аргентинци. Успеавме! Ајде да одиме, Аргентина!“
